@aar52821
Main Student Hoon, Robot Nahi – Meri Blinkit OD Picker StoryMain ek student hoon. Padhai ke saath thodi earning karne ke liye Blinkit me OD Picker ka kaam join kiya tha.
Main sach bolunga, meri taraf se galtiyan hui thi.
Pehle PNL hua tha, uske ₹12 kate. Phir ek order me 2 item pick karne the lekin 1 hi gaya, uske bhi ₹12 kate. Maine galti accept ki, sorry bola aur socha ki ab aur dhyan se kaam karunga.
Maine khud kuch shifts cancel ki thi, uske bhi ₹100 kat gaye. Mujhe usse bhi problem nahi thi, kyunki system ka rule tha.
Lekin uske baad jo hua, usse problem thi.
Aaj mujhse ek aur galti hui. Item scan karke basket me rakha tha, phir galat jagah rakh diya. Camera me review hua.
Uske baad mujhe kaam karne dene ke bajay break par daal diya gaya. Meri 12 se 2 wali shift bhi nikal gayi. Review ke liye meri photo kheench kar group me dali gayi.
Jab maine poocha ki mujhe store se kyon hataya ja raha hai aur written me reason dene ko bola, to mujhe jawab mila:
"OD Picker employee nahi hota."
Aur jab maine fir written reason manga, to attitude aisa tha jaise:
"Tum kaun ho jo written me reason maang rahe ho?"
Maine manager se unki details bhi maangi, lekin unhone dene se mana kar diya.
Aakhir me mujhe security se store ke bahar karwa diya gaya.
Sabse badi baat ye hai ki mujhse hui galtiyon ke paise pehle hi kat chuke the. ₹12, ₹12, ₹100. Phir store se hata diya gaya. Aaj 3 shifts bhi nahi karne di gayi, jisse meri earning bhi chali gayi.
Ek baat aur mujhe important lagti hai. Kaam karte waqt sirf location yaad hona kaafi nahi hota. Agar system me kisi product ki ek location dikh rahi hai lekin product wahan na ho aur kisi aur jagah rakha ho, to picker ko usse dhoondhne me extra time lagta hai.
Mujhe store ki kaafi locations yaad ho gayi thi. Lekin agar product apni jagah par hi na ho, to issue aana natural hai. Aisi situation me speed bhi affect hoti hai aur mistakes ke chances bhi badh jate hain.
Mera maanna hai ki performance evaluate karte waqt store management aur product placement ko bhi consider kiya jana chahiye, sirf picker ko nahi.
Main ye nahi keh raha ki meri galti nahi thi.
Galti thi.
Lekin kya naye worker ko samjhane ke bajay seedha aise treat karna sahi hai